पत्र कला 
काठमाडौं । पोखरामा दिपल गाडीको शोरुम सञ्चालनमा आएको छ । पोखरा क्षेत्रको लागि दिपलको आधिकारिक बिक्रेता हिमालय अर्गनाईजेशन अन्तर्गतको हिमालय मोटरक्स प्रालिले चाउथेमा शोरुम स्थापना गरेको हो ।
सो अवसरमा दिपल इ०७ गाडीको बिक्री सुरुवात गरिएको छ । गण्डकी प्रदेशका सामाजिक विकास, युवा तथा खेलकुद मन्त्री विन्दुकुमार थापा, नाडाका अध्यक्ष करण चौधरी, हिमालय अर्गनाइजेसनका अध्यक्ष ध्रुव थापा लगायतका अतिथिहरुको उपस्थितिमा शोरुम उद्घाटन गरिएको हो ।
दिपल शोरुममा फागुन १० देखि १४ गतेसम्म टेष्ट ड्राइभसमेत सञ्चालन हुने कम्पनीले जनाएको छ । कम्पनीले सो अवसरमा विशेष छुटमा गाडीको बुकिङ गर्ने उल्लेख गरेको छ । विद्युतीय गाडी दिपल पोखरामा बिक्री सुरुवात भएको छोटो समयमा नै लोकप्रिय बनेको अध्यक्ष थापाले बताए ।
थापाले विद्युतीय गाडीको माग बढिरहेको अवस्थामा पोखरामा दिपल थप लोकप्रिय हुने र ब्रान्डले धेरै ग्राहकको विश्वास जित्ने विश्वास व्यक्त गरे ।
प्रतिक्रिया दिनुहोस्