पत्र कला 
काठमाडौं । प्रमुख प्रतिपक्षी दल माओवादी केन्द्रका सांसद माधव सापकोटाले सरकार सुशासनको पक्षमा नरहेको र सरकारको असफलता पुष्टि भएको भन्दै प्रधानमन्त्रीको राजनीनामा माग गरेका छन् ।
सम्पत्ति शुद्धिकरण तथा आतंकवादी मामिलामा निगरानी राख्ने संस्था (एफएटिफ)ले नेपाललाई ग्रे लिस्टमा राखेपछि सरकारको असफलता पुष्टि भएको धारणा रखेका उनले प्रधानमन्त्रीलाई मार्गप्रशस्त गर्न माग गरे ।
आइतबार प्रतिनिधिसभा बैठकको उनले भने, ‘सरकारको अकर्मण्यता र वित्तीय क्षेत्र सुधार गर्ने अठोटको अभाव र सुशासनप्रतिको उपेक्षाका कारण नेपाल यो लज्जाजनक अवस्थामा पुगेको छ। यसप्रति खेद व्यक्त गर्न चाहन्छु । यसले सरकार सुशासनको पक्षमा छैन र सम्पूर्ण रुपले असफल भयो भन्ने पुष्टि भयो । अब सरकारले नैतिक रुपमा आफ्नो मार्ग प्रशस्त गर्नुपर्छ।’
नेपाल दोस्रोपटक सम्पत्ति शुद्धीकरण तथा आतंकवादी गतिविधिमा लगानी सम्बन्धी ग्रे लिस्टमा परेको छ । फ्रान्सको पेरिसमा शुक्रबार सम्पन्न फाइनान्सियल एफएटीएफको प्लेनरी तथा वर्किङ ग्रूप बैठकले नेपाललाई सम्पत्ति शुद्धीकरण तथा आतंकबादी लगानीको जोखिम पूर्ण सूची (ग्रे) लिस्टमा राखेसँगै वित्तिय क्षेत्रमा सुधार र सुशासनप्रति प्रश्न उब्जिएको छ ।
यस्तै, सरकारले वित्तीय क्षेत्रमा सुधार गर्न नसकेको र सुशासनप्रति उपेक्षा गरेको भन्दै सांसद सापकोटाले नेपाल लज्जाजनक अवस्थामा पुगेको बताए । उनले भने, ‘सरकारको त कुनै विश्वास रहेन नै, अब सिंगो देशको इज्जत, मान र प्रतिष्ठानको रक्षाका खातिर संसद्ले विशेष महत्वका साथ आवश्यक थप कदम चाल्न गम्भीर बन्नुपर्छ।’
प्रतिक्रिया दिनुहोस्