पत्र कला 
काठमाडौं । तेस्रो केपी ओली कप च्याम्पियनसिपको आज सुरुवात भएको छ ।
राष्ट्रिय युवा सङ्घ, नेपालद्वारा ललितपुरको च्यासलमा आयोजित कपमा प्रधानमन्त्री केपी शर्मा ओली, युवा तथा खेलकुदमन्त्री तेजुलाल चौधरी, वरिष्ठ कलाकार हरिवंश आचार्यसहितले प्रतियोगी खेलाडीलाई बल प्रदान गरेर खेलको शुभारम्भ गरेका हुन् ।
उद्घाटन खेलमा एपिएफ क्लव, नेपाल र ब्लाक बोल्ट क्लव, उज्बेकिस्तानले प्रतिस्पार्धा गरेका छन् । प्रतियोगितामा दुई विदेशीसहित ९ टोलीले सहभागिता जनाएका छन् । आहा रारा पोखरा गोल्डकपको उपाधि जितेको उज्बेकिस्तानको ब्ल्याक बुल्स एफसी र भुटानको एफसी ट्रान्सपोर्ट युनाइटेड विदेशी टोलीको रूपमा सहभागिता जनाएका छन् ।
कार्यक्रममा प्रधानमन्त्री ओलीको ७४ औँ जन्मदिनका अवसरमा उनलाई शुभकामना दिइएको थियो । मैदानमा प्रधानमन्त्री ओलीले केक काटे । कलाकारहरु बद्री पंगेनी र समीक्षा अधिकारीले गीतबाटै प्रधानमन्त्री ओलीलाई सुस्वास्थ्य र दीर्घायुको कामना गरेका थिए।
प्रतिक्रिया दिनुहोस्