images
images

त्रिशक्ति सेक्युरिटिजको ललितपुर शाखा कार्यालय उद्घाटन

 काठमाडाैं । त्रिशक्ति सेक्युरिटिज कम्पनीले नयाँ शाखा विस्तार गरेको छ । कम्पनीले ललितपुरको जावलाखेलमा आज एक विशेष कार्यक्रम गरी शुभारम्भ गरी शाखा विस्तार गरेको हो। त्रिशक्ति सेक्युरिटिजको पाँचौ शाखा हो । कार्यक्रमको प्रमुख अतिथिमा नेपाल स्टक एक्सचेन्जका अध्यक्ष शोभाकान्त पौडेल रहेका थिए भने भने विशेष अतिथिमा ललितपुर म.ना.पा वडा .न. ०५ का वडा अध्यक्ष विकाश मान श्रेष्ठ उपस्थितको उपस्थीति रहेको थियो । अध्यक्ष पौडेलले शेयरबजारको जोखिम तथा प्रतिफलको बारेमा प्रकाश पार्दै सुनिश्चित भई लगानि गर्नु पर्ने बताउँदै नेपालमा पूँजी बजारको धेरै सम्भाव्यता रहेको र क्रमश धेरै कुराहरुको बिकास भईरहेको समेत जानकारी गराए ।

पूँजी बजारको विकासमा ब्रोकर कम्पनीहरुको योगदान उल्लेखनिय रहेको बताउँदै, त्रिशक्ती सेक्युरिटिजको सेवा विस्तारले लगानीकर्तालाई अझ सहजता दिने विश्वास व्यक्त गरे । वडा अध्यक्ष विकाश मान श्रेष्ठले कम्पनीको प्रगतीको शुभकामना दिदैं आवश्यक सहयोगको लागि तत्पर रहेको बताए । लगानीकर्ता दिपक रिमालले शेयर बजारको महत्व र औचित्यमाथि प्रकाश पारे । उक्त कार्यक्रममा आफ्नो धारणा राख्दै कम्पनीका प्रबन्धक निर्देशक गोविन्द दाहालले सेवा विस्तारमार्फत् लगानीकर्ताको पहुँचलाई सहज तुल्याउने प्रतिबद्धता जनाए । उनले भने,‘सम्पूर्ण लगानीकर्तालाई उत्कृष्ट सेवा प्रदान गर्दै लगानीकर्ताको क्षमता वृद्धिमा कम्पनी निरन्तर लाग्ने छ ।’

कम्पनीले यस अघि पुतलीसडक केन्द्रीय कार्यालयका अतिरीक्त पोखरा, महेन्द्रनगर, हेटौडाबाट डिम्याट, टि।एम।एस। लगायतमा शेयर कारोवार सम्वन्धी सेवाहरु प्रदान गर्दै आइरहेको छ ।

प्रतिक्रिया दिनुहोस्