सिन्धुपाल्चोक, फागुन १६
नेपाली काङ्ग्रेसका सांसद मोहनबहादुर बस्नेतले विकासको आधार शिक्षा भएको बताएका छन् ।
बलेफी गाउँपालिका ७ चिम्लिङस्थित सरस्वती माध्यिमक विद्यालयको ५३ औं वार्षिकोत्सव तथा अभिभावक भेला मा बोल्दै नेता बस्नेतले विकास काे हरेक मोडल शैक्षिक क्षेत्रबिना असम्भव रहेको बताएका हुन । स्थानीय सरकारले शैक्षिक क्षेत्रमा गुणस्तर वृद्धि गर्दै शिक्षाका नयाँ कार्यक्रम ल्याउनुपर्ने उनले बताए । उनले फरक प्रसङ्गमा भने, ‘अहिले सडकको अवस्था कतै राम्रो भएको छ त कतै उस्तै अवस्था छ,’ चिम्लिङबासीले आफ्नो गाउँमा सडक निर्माणको लागि पहलकदमी नगरेको र आफूले यस ठाउँको सडक र विकास निर्माणको काममा सहयोग गर्दै आएको दाबी गरे।
त्यस्तै बलेफी गाउँपालिकाका अध्यक्ष गंगाबहादुर तामाङले सरस्वती माध्यमिक विद्यालयमा विज्ञान प्रयोगशाला बनाउन पालिकाले कदम चाल्ने बताए । उनले भने- ‘आगामी बजेटमा यसलाई समावेश गरेर पालिकाले लैजान्छ ।’
शैक्षिक क्षेत्रमा सुधारसँगै गुणस्तर बनाउन पालिका लागिपर्ने उनले बताए । पालिकाभित्र एक शिक्षक एक ल्यापटप कार्यक्रम सञ्चालन गर्ने पनि अध्यक्ष तामाङले बताए । त्यस्तै बलेफी गाउँपालिकाका पूर्व अध्यक्ष एवम् काङ्ग्रेस नेता केदार क्षेत्रीले आफू अध्यक्ष हुँदा शैक्षिक क्षेत्रलाई महत्त्व दिएर काम गरेको सुनाए । विद्यालय शिक्षा सुधारमा जोड दिँदै उनले राजनीतिक हस्तक्षेपबाट विद्यालयमा शिक्षालाई मुक्त गर्नुपर्नेमा उनले जोड दिए । कार्यक्रममा विभिन्न कलाकारहरुले मनोरञ्जनात्मक प्रस्तुति दिएका थिए ।
प्रतिक्रिया दिनुहोस्