सिन्धुपाल्चोक । जुगल गाउँपालिकाले शिक्षिकाहरुका लागि आत्मरक्षा तालिम शुरु गरेको छ ।
पालिकाले शुक्रबारबाट शिक्षिकाहरूलाई ३ दिने आत्मरक्षा तालिम दिन थालेको हो । जुगल गाउँपालिकाभित्र रहेका विभिन्न विद्यालयमा अध्यापन गराउँदै आएका शिक्षिकहरुका लागि लक्षित गर्दै आयोजित तालिमको पालिकाका उपाध्यक्ष हिमाल श्रेष्ठले उद्घाटन गरेका हुन् ।
आत्मरक्षा तालिम कार्यक्रममा बोल्दै उपाध्यक्ष श्रेष्ठले महिलाहरूले आत्मरक्षाको सीप र ज्ञान यस तालिमबाट सिके फाइदा पुग्ने बताए । आत्मरक्षा तालिमबाट महिलाहरुले हिंसा र दुर्व्यवहारका घटना नियन्त्रण हुने श्रेष्ठले बताए ।
कुनै पनि सम्भावित घटनाबाट बच्न र बचाउन यस्ता तालिमहरु आवश्यक रहेको उनले बताए । आत्मरक्षा तालिमका आयोजक रहेका प्रदेश युवा स्वयंसेवक रुपक दुलालले कुनै व्यक्तिले दुर्व्यवहार गर्न खोजेमा यस्ता कार्यक्रमबाट जोगिन सहयोग पुग्ने बताए ।
जिल्ला प्रहरी कार्यालय सिन्धुपाल्चोकका प्रहरी नायब उपरीक्षक उमाशंकर यादवले यस कार्यक्रमको समन्वय गरेका हुन् । उनले भने, ‘दुर्व्यवहारबाट कसरी जोगिन सकिन्छ र कसरी सुरक्षित रहन सकिन्छ भन्नेबारे यस कार्यक्रमबाट शिक्षिकाहरुले धेरै सिक्न सक्ने बताए ।’
प्रतिक्रिया दिनुहोस्