पत्र कला 
काठमाडौँ । सन नेपाल लाइफ इन्स्योरेन्सले तीन प्रतिष्ठित विधामा अन्तर्राष्ट्रिय अवार्ड जित्न सफल भएको छ ।
बैंककमा आयोजना भएको आईसीसी २०२४ एसिया इन्स्योरेन्स कार्यक्रममा संलग्न भएका बीमा कम्पनीहरुमध्येबाट उत्कृष्टताका आधारमा इन्स्योरेन्सले तीन विधामा अन्तर्राष्ट्रिय अवार्ड पाएको हो । जसले सन नेपाल लाइफ इन्स्योरेन्सको व्यावसायिक उत्कृष्टता प्रमाणित गरेको छ ।
कम्पनीले ‘उत्कृष्ट जोखिम व्यवस्थापन रणनीति’, ‘बीमा क्षेत्रमा महिला नेतृत्व’ र ‘उत्कृष्ट ग्राहकमैत्री जीवन बीमा सेवा’ विधामा सम्मानित भएको हो । बैंककमा आयोजित विशेष कार्यक्रममा उक्त अवार्ड कम्पनीका प्रमुख कार्यकारी अधिकृत राजकुमार अर्यालले ग्रहण गरेका थिए ।
उपलब्धिले कम्पनीको नवीन रणनीति, समावेशी नेतृत्व, र ग्राहक केन्द्रित सेवामा उच्चतम मानक स्थापित गरेको पुष्टि गर्दछ । यसले नेपालको बीमा क्षेत्रलाई अन्तर्राष्ट्रिय पहिचान दिलाउनुका साथै ग्राहकको विश्वासलाई अझ मजबुत बनाउने प्रेरणा प्रदान गरेको कम्पनीले जनाएको छ ।
सन नेपाल लाइफले १३९ शाखा तथा उपशाखाबाट देशभर जीवन बीमा सेवा प्रदान गर्दै आएको छ । यस्तै, कम्पनीले आफ्ना ग्राहकको वित्तीय सुरक्षामा निरन्तर समर्पित रहेको जनाएको छ।
प्रतिक्रिया दिनुहोस्