पत्र कला 
काठमाडौँ । नेपालको इलेक्ट्रिक स्कुटर बजारमा सक्रिय जीरो एमिसन राइड एनले आफ्नो नयाँ मोडल “विङ्गर“ इलेक्ट्रिक स्कुटर भित्र्याएको छ ।
चीनमा उत्पादन भएको स्कुटरको यो मोडललाई “बोल्ड र आकर्षक“ डिजाइनमा प्रस्तुत गरेको जीरो एमिसन राइडले जनाएको छ ।
सारथी इकुटर ब्राण्डको यो मोडल “विङ्गर“ मा ३९०० वाटको पावरफुल मोटर जडान गरिएको छ, जसले उत्कृष्ट पर्फर्मेन्स दिनेछ । स्कुटरमा ७२ भोल्ट एएच ३८ ग्राफिन र ७२ भोल्ट ४० एएच लिथियम आयन गरी दुई भेरियन्टमा ब्याट्री जडान गरिएको छ । ७२ भोल्ट ३८एएच ग्राफिन भेरियन्टले १०० किलोमिटर रेञ्ज प्रदान गर्छ भने ७२ भोल्ट ४० एएच भेरियन्टले अझ बढी रेन्ज दिने विश्वास कम्पनीको छ ।
७२ भोल्ट ३८ एएच क्षमताको ठूलो ब्याट्री प्याक प्रयोग गरिएकाले एकपटकको फुल चार्जमा यसले करिब १०० किलोमिटरको रेन्ज प्रदान गर्न सक्छ । यो स्कुटरलाई ५ देखि ६ घण्टामा फुल चार्ज गर्न सकिन्छ भने यसको टप स्पीड ६५ किलोमिटर प्रतिघण्टा रहेको छ । डबल डिस्क ब्रेक र दुबैवटा १२ इन्चका टायरले यसलाई अफरोडको लागि पनि सहज बनाएको छ ।
यसमा डिजिटल डिस्प्ले, एनएफसी कार्ड, एन्टि–थेफ्ट अलार्म, ह्विल लक सिस्टम, पार्किङ सेन्सर, साइड स्ट्यान्ड सेन्सर, रिभर्स गियर मोड, रिजनरेटिभ ब्रेकिङ सिस्टम लगायतका फिचरहरू छन् । साथै, इको, कम्फर्ट र स्पोर्ट गरी तीनवटा मोडमा चलाउन सकिने सुविधा उपलब्ध छ । कम्पनीले ७२ भोल्ट ३८ एएच ग्राफिन ब्याट्री भेरियन्ट स्कुटरको मूल्य २ लाख ९ हजार ७ सय रुपैयाँ र ७२ भोल्ट ४० एएच लिथियम आयन ब्याट्री जडान गरिएको स्कुटरको २ लाख ५४ हजार ७ सय रुपैयाँ तोकेको छ ।
जीरो एमिसन राइड एनले विगत ६ वर्षदेखि नेपालमा लुयान ब्रान्डका इलेक्ट्रिक स्कुटरहरू बिक्री गर्दै आएको छ । कम्पनीको काठमाण्डौँ उपत्यकामा मात्र करिब १४ स्थानमा सर्भिस सेन्टर तथा चार्जिङ प्वाइन्ट संचालनमा रहेको छ भने नेपालका विभिन्न १४ शहरहरुमा डिलर नेटवर्क विस्तार गरेको छ ।
“विङ्गर“ को आगमनले नेपाली ग्राहकलाई नयाँ अनुभव प्रदान गर्ने विश्वास कम्पनीले लिएको छ ।
प्रतिक्रिया दिनुहोस्