पत्र कला 
काठमाडौँ । साताको दास्रो कारोबारको दिन आज सेयर बजारमा गिरावट आएको छ । सोमाबार नेपाल स्टक एक्सचेन्ज (नेप्से) १०.९८ अंकले घटेर २६७७.३२ बिन्दुमा झरेको छ ।
नेप्सेका अनुसार आज ७७ कम्पनीको मूल्य बढ्दा १६१ कम्पनीको मूल्य घटेको छ । ६ कम्पनीको मूल्यमा भने कुनै परिवर्तन नआएको नेप्सेले जनाएको छ ।
सोमबार ३२२ कम्पनीको १ करोड ४४ लाख कित्ता सेयर किनबेच हुँदा ६ अर्ब ९६ करोड रुपैयाँ बढीको कारोबार भएको छ । घटेको बजारमा दुई कम्पनीको सेयर मूल्य भने १० प्रतिशतले बढेको छ । आज सबैभन्दा धेरै नेपाल रिपब्लीक मिडियाले २४ करोड रुपैयाँ बढीको कारोबार गरेको छ ।
यसैगरी, सीइडीबी होल्डीङको १५ करोड, सप्तकोशी डेभलपमेन्ट बैंकको १४ करोड, एनआरएन इन्फ्रास्ट्रक्चरको १४ करोड र नेपाल रिइन्स्योरेन्स कम्पनीको १३ करोड रुपैयाँ बराबरको कारोबार भएको छ ।
प्रतिक्रिया दिनुहोस्