काठमाडौं । अर्बिट इनर्जी लिमिटेडको साधारण शेयर (आईपीओ) निष्काशनका लागि क’मारी क्यापिटल बिक्री प्रबन्धक नियुक्त भएको छ ।
कम्पनीले प्रतिकित्ता १०० रुपैयाँको दरले ५० लाख कित्ता शेयर निष्काशन गर्न लागेको छ । उक्त आईपीओ निष्काशका लागि अर्बिटले कुमारी क्यापिटल लिमिटेडलाई धितोपत्र निष्काशन तथा बिक्री प्रबन्धकमा नियुक्त गरेको हो ।
त्यससम्बन्धी सम्झौतापत्रमा अर्बिट इनर्जी लिमिटेडका महाप्रबन्धक सुदीप खड्का तथा कुमारी क्यापिटलका प्रमुख कार्यकारी अधिकृत (सीईओ) पुष्प शर्माले हस्ताक्षर गरेका छन् ।
अर्बिट इनर्जी लिमिटेडले संखुवासभा जिल्लाको सभापोखरी गाँउपालिका स्थित साभाखोलाको पानी सदुपयोग गरि सभा खोला बी २१.५ मेगावाट र सभा खोला सी ६.३ मेगावाट क्षमताको जलविद्युत् आयोजना निर्माण गरिरहेको छ । आयोजनाको निर्माण कार्य करिव ५५ प्रतिशत सम्पन्न भईसकेको कम्पनीले जनाएको छ ।
आयोजनामा भारतको फ्लोवेल इनर्जी प्राईभेट लिमिटेड तथा इटालीको ट्रोएर एजी कम्पनीबाट निर्मित अत्याधुनिक इलेक्ट्रोमेकानिकल समाग्रीहरू जडान गरि अवको एक वर्षभित्र आयोजना सञ्चालनमा ल्याउने कम्पनीले जनाएको छ । आगामी दिनमा यस कम्पनीले अन्य आयोजनामा समेत लगानी गरी अगाडी बढ्ने योजना रहेको जनाएको छ ।
प्रतिक्रिया दिनुहोस्