काठमाडौँ । सिटिजन्स बैंक इन्टरनेसनल लिमिटेडले शाखा विस्तार गर्ने क्रमलाई निरन्तरता दिएको छ । बैंकले आफ्नो १९८औं शाखा काठमाडौँको पानीपोखरीमा संचालनमा ल्याएको छ । यो सँगै काठमाडौँ उपत्यका भित्र बैंकको ३९ वटा शाखाहरु संचालनमा आएका छन् । बाग्मती प्रदेशमा बैंकको कूल ५५ वटा शाखाहरु रहेका छन् ।
पानीपोखरीमा आज आयोजित एक कार्यक्रमका बीच बैंकका संचालक समितिका अध्यक्ष प्रबल जंग पाण्डेले नयाँ शाखाको उद्घाटन गरेका छन् । कार्यक्रमलाई संवोधन गर्दै अध्यक्ष पाण्डेले प्रुडेन्ट बैंकिङ्ग र सुशासनमा कुनै सम्झैता नगरी ग्राहकलाई सेवा प्रवाह गर्न आफूहरु निरन्तर दृढतापूर्वक लागेको बताए ।
नयाँ शाखाका कर्मचारीहरूलाई शुभकामना दिँदै पाण्डेले अनुशासित र मर्यादित ढंगबाट कार्य संचालन गरी संस्थालाई नयाँ उचाईमा लैजानका लागि आग्रह गरे ।
उक्त अवसरमा स्थानीय निकायका प्रतिनिधिहरू, उद्योगी, व्यापारी, विभिन्न संघ संस्थाका प्रमुख तथा नागरिक समाजका अगुवाहरु, बैंक संचालक समितिका सदस्यहरु, प्रमुख कार्यकारी अधिकृतलगायतको बाक्लो उपस्थिति थियो ।
बैंकले सुविधा सम्पन्न शाखा मार्फत आफ्ना ग्राहकलाई वित्तीय आवश्यकता पुरा गर्न आवश्यक सम्पूर्ण रिटेल बैंकिङ्ग सेवा प्रदान गर्ने जनाएको छ । नयाँ शाखा संचालनको अवसरमा यो शाखामा खाता खोल्दा कर्पोरेट मोबाइल बैंकिङ्ग र इन्टरनेट बैंकिङ्ग जस्ता सेवाहरु पहिलो वर्ष ग्राहकलाई निशुुल्क गरिरएको छ । यसैगरी, । डिम्याट खाता खोल्दा लाग्ने शुल्कमा पनि पहिलो वर्षको लागि छुटको व्यवस्था गरेको बैंकले जनाएको छ ।
बैंकले एक वर्षसम्म लकर सुविधा लिँदा लकर अनिवार्य मौज्दातमा २५ प्रतिशत छुट गरेको छ । बैंकको देशैभरी ६० जिल्लामा फैलिएका आफ्ना १९८ वटा शाखा, १६३ वटा ए.टि.एम, ३ विस्तारित काउन्टर र ७४ वटा शाखा रहित बैंकिङ्ग ईकाइहरुबाट १८ लाख ५० हजार ग्राहकलाई आधुनिक बैंकिङ्ग सेवाहरु प्रदान गर्दै आएको छ ।
प्रतिक्रिया दिनुहोस्