पत्र कला काठमाडौँ । साताको चौथो कारोबार दिन सेयर बजार सामान्य अंकले बढेको छ । बुधबार नेपाल स्टक एक्सचेञ्ज (नेप्से) परिसूचक १.८६ अंकले बढेर २६८५.७३ को बिन्दुमा पुगेर बन्द भएको छ ।
आज ३ सय ७ कम्पनीको १ करोड ५५ लाख २० हजार ५ सय ५९ कित्ता सेयर किनबेच हुँदा ८ अर्ब ७१ करोड ७८ लाख ४७ हजार ६२ रुपैयाँ बराबरको कारोबार भएको छ । यस दिन १३४ कम्पनीको सेयर मूल्य बढ्दा ९९ कम्पनीको सेयर मूल्य घटेको छ । ११ कम्पनीको भने सेयर मूल्य स्थिर रह्यो।
एनआरएन इन्फ्राष्ट्रक्रचर एण्ड डेभलपमेन्ट र सिईडीबी हाइड्रोपावरको आज सर्वाधिक कारोबार भएको छ । एनआरएनको ३९ करोड ६० लाख २२ हजार रुपैयाँ बराबरको सेयर कारोबार हुँदा सिईडीबीले ३७ करोड ६७ लाख १५ हजार बढी आर्जन गरेको छ ।
आज १ कम्पनीको सेयरमा सकारात्मक सर्किट लाग्दा २ कम्पनीको सेयर मूल्यमा नकारात्मक सर्किट लाग्यो ।
प्रतिक्रिया दिनुहोस्