पत्र कला 
काठमाडौं । ओमोडा एन्ड जेइको अटोमोबाइल्स प्राइभेट लिमिटेडले नेपालभर ८ सय भन्दा बढी सवारी बिक्री गरेको छ ।
नेपाली बजारमा आफ्ना ब्रान्डको ८ सय भन्दा बढी सवारी बिक्री गरेको उपलक्षमा ओमोडाले आज एक कार्यक्रमको आयोजना गरी उत्सव मनाएको छ । ओमोडा एन्ड जेइको अटोमोबाइल्सले त्यसलाई उल्लेखनीय उपलब्धि हासिल गरेको समेत घोषणा गरेको छ ।
काठमाडौंको उत्तरढोका सोरूममा आज एक कार्यक्रम आयोजना गरि ओमोडाले खुशी साटेको हो । कार्यक्रममा ओमोडा एन्ड जेइकोका ब्रान्ड एम्बेसडर, दीपेन्द्र सिंह ऐरी, एसपिजिका निर्देशक गौरव शारदा, ग्रुप अध्यक्ष धिरेन तामाङ, सेल्स एन्ड मार्केटिङका महाप्रबन्धक राजेन्द्र तिमिलसेना लगायतको उपस्थिति थियो ।
आठ सय भन्दा बढी ओमोडा जेइकोको गाडी बिक्री भएको अवसरमा आयोजित समारोहमा ओमोडाले ब्रान्ड एम्बेसेडर दीपेन्द्र सिंह ऐरीसँग उपलब्धि साझा गरी संवाद गर्ने र ओमोडा एन्ड जेइकोका मोडेलहरू अवलोकन गराउने विषय महत्वपूर्ण भएको जनाएको छ ।
ओमोडाले सो उपलब्धिलाई ग्राहकहरूको विश्वास र भरोसाको प्रतिफल भएको उल्लेख गरेको छ । ओमोडा एन्ड जेइकोले नवप्रवर्तन र गुणस्तरमा प्रतिबद्ध रही नेपाली बजारका उत्कृष्ट अटोमोटिभ सवारी भित्र्याउन निरन्तर लागिरहेको जनाएको छ ।
एसपिजि अटोमोबाइल्स प्राइभेट लिमिटेड ओमोडा एन्ड जेइको अटोमोबाइल्स लिमिटेडको नेपालको लागि आधिकारीक वितरक हो ।
प्रतिक्रिया दिनुहोस्