काठमाडौं । सशस्त्र प्रहरी बलले पोलाइन्ड नामक ५ किलो लागुऔषधसहित २ जनालाई नियन्त्रणमा लिएको छ ।
काठमाडौंको गोकर्णेश्वर नगरपालिका– ६ जोरपाटी नयाँ बस्तीबाट सशस्त्र प्रहरी बलले बिहीबार दिउँसो दुईजनालाई नियन्त्रणमा लिएको हो ।
इन्टेलिजेन्स ब्यूरोको सूचनाको आधारमा स्थानीय एक होटलबाट प्लास्टिकमा प्याक गरिएको अवस्थामा ५ किलोग्राम उक्त पदार्थसहित दुई कारोबारीलाई पक्राउ गरिएको प्रहरीले जनाएको छ ।
पक्राउ पर्नेमा सिन्धुली घर भई गोकर्णेश्वर नगरपालिका– ६ नयाँबस्ती बस्ने ३० वर्षीय युवक र रामेछाप मन्थली नगरपालिका –१४ का २४ वर्षीय युवक रहेका छन् । उनीहरूको पहिचान भने खुलाइएको छैन । सशस्त्र प्रहरी बलले ती युवकसँगै स्कुटर र मोटरसाइकल पनि नियन्त्रणमा लिएको छ तर, पक्राउ पर्नेको नाम भने प्रहरीले खुलाएको छैन् ।
प्रतिक्रिया दिनुहोस्