पत्र कला 
काठमाडौं । राष्ट्रपति रामचन्द्र पौडेलले कीर्तिपुर बर्न अस्पतालमा उपचाररत उपप्रधानमन्त्री तथा अर्थमन्त्री विष्णु पौडेल र पोखरा महानगरपालिकाका मेयर धनराज आचार्यको स्वास्थ्य अवस्थाबारे जानकारी लिएका छन् ।
शनिबार मन्त्री पौडेल र मेयर आचार्यको पोखरामा भ्रमण वर्ष घोषणा कार्यक्रममा हाइड्रोजन ग्यास भरिएका बेलुन उडाउने क्रममा र्दुघटना हुन पुगेको थियो । बेलुन फुट्दा आगोको झिल्काले उनीहरुको हात र अनुहारमा जलन भएपछि शनिबार देखि नै कीर्तिपुर बर्न अस्पतालमा सघन कक्षमा राखेर उपचार भैरहेको छ । उनिहरु दुवैलाई ४८ घण्टासम्म सघन कक्षमा राखेर निगरानी गर्ने अस्पताल प्रशासनले जनाएको छ ।
राष्ट्रपति पौडेललाई स्वास्थ्यमन्त्री प्रदीप पौडेल, सचिव डा रोशन पोखरेल र हरिप्रसाद मैनाली तथा अस्पतालका निर्देशक किरणकिशोर नकर्मीलगायत उपचारमा संलग्न चिकित्सकले दुवै जनाको स्वास्थ्योपचार र उपचार प्रक्रियाबारे जानकारी दिएका थिए ।
यस्तै, अर्थमन्त्री र मेयर आचार्यको सभामुख देवराज घिमिरेले पनि अस्पतार पुगेर स्वास्थ्य अवस्थाबारे जानकारी लिएका छन् ।
प्रतिक्रिया दिनुहोस्