पत्र कला 
काठमाडौं । नेशनल लाईफ इन्स्योरेन्स कम्पनीले एमडिआरटी तालिम कार्यक्रम सम्पन्न गरेको छ ।
अभिकर्ताहरुको अन्तर्राष्ट्रिय फोरम एमडिआरटीले एमडिआरटी २०२५ मा छनोट हुनका लागि तोकेको बीमाशुल्क संकलन गरी नेपालभरबाट छानिएर आएका १०० जना एमडिआरटी अभिकर्ताहरुलाई तालिम दिएको हो ।
कार्यक्रममा कम्पनीका प्रमुख कार्यकारी अधिकृत सुरेश खत्रीले कम्पनीलाई अग्रस्थानमा पुर्याउन अभिकर्ताको भूमिका महत्वपूर्ण हुने बताए ।
उनले आफूहरुले केही नयाँ अभ्यासहरु शुरु गरेको र यसबाट अभिकर्ताहरु उत्साही भएको उल्लेख गरे। जीवन बीमा व्यवसाय दिन प्रतिदिन व्यवसायिक हुँदै गईरहेको भन्दै खत्रीले विगत केही बर्षदेखी कम्पनीले उच्च बोनसदर प्रदान गर्दै आएको जानकारी गराए ।
उनले एमडिआरटी २०२५ मा तोकिएको करिब ४७ लाख देखी ३ करोड सम्मको बीमाशुल्क संकलन गरी ९४ जनाले एमडिआरटी, ३ जनाले सिओटी र २ जनाले टिओटीको लक्ष्य पाउन सफल भएको बर्ता । कम्पनीले १०० जना अभिकर्ताहरूलाई सम्मान गरेको छ ।
५१ दिनसम्म ५१ बीमालेख जारी गर्न सफल एमडिआरटी अभिकर्ता रुपक पराजुली र सबै भन्दा बढि एमडिआरटी अभिकर्ता उत्पादन गर्न सफल बनेको कलंकी शाखा सम्मानित भएको छ ।
कार्यक्रममा विभागीय प्रमुख, प्रदेश प्रमुख, शाखा प्रमुखलगायतको उपस्थिति रह्यो ।
प्रतिक्रिया दिनुहोस्