images
images

भिभो एक्स२०० प्रो स्मार्टफोन नेपालमा ल्याउने तयारी, के के छन् विशेषता ?

काठमाडौं । प्रसिद्ध ब्रान्ड भिभोले नेपालमा भिभो एक्स२०० प्रो स्मार्टफोन ल्याउने तयारी गरेको छ ।

ग्राउण्ड ब्रेकिङ २०० मेगापिक्सलको जाइस्, एपीओ टेलिफोटो क्यामेरा, शक्तिशाली मिडियाटेक डाइमेन्सिटी ९४०० प्रोसेसर, र ६००० एमएएच ब्याट्री विशेषता सहित, यो फ्ल्यागशिप डिभाइस सहितको एक्स२०० स्मार्टफोनकै परिमार्जित भर्सनमा आउने छ । । भिभो एक्स२०० प्रोले स्मार्टफोन फोटोग्राफीलाई नयाँ उचाइमा पुर्याउने विस्वास कम्पनीको छ ।

जाइस् सँगको सहकार्यमा विकसित २०० मेगापिक्सल एपीओ टेलिफोटो क्यामेराले मोबाइल फोटोग्राफीमा क्षमता एक्स२०० स्मार्टफोनमा छ । जसले टाढाका दृश्यहरू क्याप्चर गर्न, सूक्ष्म म्याक्रो शटहरू लिन र रातको अध्यारोमा समेत उत्कृष्ट दृश्यहरू कैद गर्दा गुणस्तरीय र नविन अनुभव ग्राहकले पाउने छन् । यसमा भएको सुपर ल्यान्डस्केप मोडले प्रयोगकर्ताहरूले तारामय आकाश, चन्द्रमाको मनमोहक दृश्य र सूर्यास्तका क्षणहरू सहजै राम्रो क्वालिटीमा क्याप्चर गर्न सक्छन् ।

फोटोग्राफीसँगै भिभो एक्स२०० प्रोले भिडियोग्राफीमा पनि सुधारहरू गरेको छ । भिभो भी ३ं इमेजिङ चिपले अत्याधुनिक ४के एचडीआर सिनेमाटिक पोट्रेट भिडियो, १२० एफपीएस स्लो–मोशन रेकर्डिङ र ४के ६० एफपीएस एचडीआर डल्वी भिजन जस्ता विशेषताहरू फोनमा उपलब्ध छन् ।

यसैगरी, मिडियाटेक डाइमेन्सिटी ९४०० चिपसेटले फोनको क्षमता बढाउँछ। ३एनएम आर्किटेक्चरबाट बनेको उक्त चिपसेटले सहज मल्टिटास्किङ गर्न सकिन्छ भने अल्ट्रा–स्मूथ गेमिङको मजा लिन सकिनेछ । यसलाई थप शक्तिशाली बनाउन, ६००० एमएएच सिलिकन एनोड ब्याट्री ९० वाट फ्ल्यास चार्ज सपोर्टसहित उपलब्ध गराइएकाले लामो समयसम्म चार्ज टिक्ने कम्पनीको दाबी छ ।

भिभो एक्स२०० प्रोमा राखिएको बिल्ट–इन सुरक्षा चिपले बायोमेट्रिक डेटा, लक स्क्रिन पासवर्डहरू र सुरक्षित डेटा पर्ज सुविधासहित चिप–स्तरीय सुरक्षा दिनेछ । साथै, गुगल जेमिनी एआईको सहज एकीकरणले एआई नोट असिस्ट, एआई ट्रान्सक्रिप्ट असिस्ट, र सर्कल टु सर्च जस्ता स्मार्ट सुविधाहरू उपलब्ध गराउँछ ।

प्रख्यात टेक इन्फ्लुएन्सर मिस्टर हुइजदबोसले भिभो एक्स२०० प्रो उत्कृष्ट क्यामेरा, उत्कृष्ट ब्याट्री र समग्र च्याम्पियन फोन २०२४ को रूपमा मान्यता दिएका छन् । यो फोन नेपालमा पनि छिट्टै सार्वजनिक गर्ने तयारी छ ।

प्रतिक्रिया दिनुहोस्