एआई पढ्न चाहने विद्यार्थीलाई सनवे कलेजले छात्रवृत्ति दिने

काठमाडौं । मैतीदेवीमा रहेको सनवे कलेजले आर्टिफिसियल इन्टेलिजेन्स (एआई) सम्बन्धी अध्ययन गर्न चाहने विद्यार्थीलाई छात्रवृत्ति दिने भएको छ ।

कलेजले बर्मिङ्घम सिटी युनिभर्सिटी, युकेसँगको साझेदारीमा ४ वर्षे कम्प्युटर विज्ञानमा आर्टिफिसियल इन्टेलिजेन्स सम्बन्धी अध्ययन गर्ने विद्यार्थीलाई छात्रवृत्ति उपलब्ध गराउँदै आएको छ ।

नयाँ प्रविधिको बढ्दो परिवर्तन, विकास, महत्व र आवश्यकतालाई ध्यानमा राखी कलेजले सक्षम र जेहेन्दार विद्यार्थीलाई अघि बढाउन मद्दत पुर्याउन सकियोस् भन्ने हेतुले प्रोत्साहन गर्न अन्तर्राष्ट्रिय अङ्ग्रेजी भाषा परीक्षण प्रणाली (आईईएलटीएस) छात्रवृत्ति घोषणा गरेको कलेजले जनाएको छ । छात्रवृत्तिका माध्यमबाट विद्यार्थीहरूलाई स्वदेशमै आफ्नो डिग्री हासिल गर्न प्रोत्साहन मिल्ने विश्वास कलेजको छ । कलेजले छात्रवृत्तिमा सहभागी हुन चाहने आवेदकले दुई वर्ष भित्र आईईएलटीएस परीक्षा लिई पास गरेको हुनुपर्ने छ । यस्तै स्कोरका आधारमा छात्रवृत्ति पाइने भएकाले नतिजाको प्रमाण पनि उपलब्ध गराउनुपर्नेछ ।

सनवे कलजेले ४ वर्षे डिग्री गर्ने क्रममा विध्यार्थीहरुलाई १ वर्ष प्लेसमेन्ट उपल्बध गराउँदै आएको छ । जसमा विध्यार्थीहरुले १ वर्ष प्लेसमेन्ट बापत १२० क्रेडिट पाउँछन् ।
प्लेसमेन्टको लागि कलेजले नेपालमा आईटी र एआईमा काम गर्ने ५० भन्दा बढी कम्पनीहरुसँग सम्झौता गरेको छ । विध्यार्थीहरुको दक्षता र विचारहरुलाई इन्क्युबेट गर्ने तथा स्टार्टअप कोष को व्यवस्था पनि उपलब्ध गराएको कलेजले जनाएको छ ।
यसको लागी कलेज भित्र एआई ल्याब, आईओटी ल्याब, इनोभेसन एण्ड इन्क्युबेशन सेन्टरको व्यवस्था गरेको कलेजका प्रिन्सिपल खुशल रेग्मीले बताए ।

कलेजका अनुसार, छात्रवृत्ति रकम विद्यार्थीको आईईएलटीएस स्कोरमा आधारित हुनेछ ।

आईईएलटीएस ६ स्कोर भएका विद्यार्थीहरूका लागि ३० प्रतिशत स्कलरसीप, आईईएलटीएस ६.५ स्कोर भएका विद्यार्थीहरूका लागि ४० प्रतिशत स्कलरसीप, आईईएलटीएस ७ स्कोरलाई ५० प्रतिशत, आईईएलटीएस ७.५ स्कोर भएकाहरू लागि ६० प्रतिशत पाउने छन् । यस्तै, आईईएलटीएस ८ स्कोर ल्याएकाले ७० प्रतिशत, ८.५ स्कोर भएका विद्यार्थीका लागि ८० प्रतिशत र आईईएलटीएस ९ भएका विद्यार्थीहरूका लागि १०० प्रतिशत छात्रवृत्ति प्रदान गरिने कलेजले जनाएको छ । छात्रवृत्ति कलेजको ट्युसन शुल्कमा लागु हुने कलेजले जनाएको छ ।

छात्रवृत्तिमा आवेदन दिने अन्तिम मिती २०२५ मार्च ७ सम्म रहेको छ ।

प्रतिक्रिया दिनुहोस्