काठमाडौं । शाओमीले आफ्नो नयाँ स्मार्टफोन शाओमी १४ टि नेपालमा सार्वजनिक गरेको छ। यो स्मार्टफोन लाइका संगको सहकार्यमा तयार गरिएको हो र यसमा अत्याधुनिक फोटोग्राफी प्रविधि र उन्नत प्रविधिहरू समावेश गरिएको छ। मिडियाटेक डाइमेन्सिटी ८३०० अल्ट्रा प्रोसेसर, १४४ हर्ज एमोलेड डिस्प्ले र स्मार्ट एआई फिचरहरू सहित, शाओमी १४ टि प्रदर्शनमा उच्चतम स्तरको अनुभव प्रदान गर्छ।
शाओमी नेपालका कन्ट्री जनरल म्यानेजर, मनु मनस्वी,ले भने, ‘शाओमी १४ टि शक्ति र नवप्रवर्तनको प्रतीक हो। लाइका क्यामेरा प्रणाली र स्मार्ट एआई फिचरहरूको माध्यमबाट यो स्मार्टफोन नेपाली बजारमा प्रस्तुत गर्न पाउँदा हामी निकै उत्साहित छौं। यसले फोटोग्राफी र प्रदर्शनका क्षेत्रमा नयाँ मापदण्ड स्थापित गर्नेछ भन्ने विश्वास हामीलाई छ।’
लाइकासँगको सहकार्यमा अद्वितीय क्यामेरा प्रणाली
शाओमी र लाइकाको सहकार्यले शाओमी १४ टि लाई एक विशेष स्मार्टफोन बनाएको छ। यस स्मार्टफोनमा ५० मेगापिक्सेलको मुख्य क्यामेरा, १२ मेगापिक्सेलको अल्ट्रा–वाइड क्यामेरा र ५० मेगापिक्सेलको टेलिफोटो लेन्स रहेको छ, जसले हरेक तस्वीरमा अप्रतिम स्पष्टता र डिटेल्स प्रदान गर्छ। साथै, शाओमी प्रोफोकस र ६० एफपीएस सहितको फोकस भिडियो रेकर्डिङले यसलाई प्रोफेसनल–ग्रेड भिडियोग्राफीको अनुभव दिलाउँछ।
मिडियाटेक डाइमेन्सिटी ८३०० अल्ट्रा प्रोसेसरस् शक्तिशाली प्रदर्शन
शाओमी १४ टि मिडियाटेक डाइमेन्सिटी ८३०० अल्ट्रा प्रोसेसरद्वारा संचालित छ, जसले मल्टीटास्किङ, गेमिङ र दैनिक कार्यहरूमा उच्चतम प्रदर्शन सुनिश्चित गर्दछ। ४ एनएम चिपसेटले ऊर्जा खपतलाई प्रभावकारी रूपमा नियन्त्रण गर्दै, स्मार्टफोनलाई सहज र ल्याग–फ्री प्रदर्शन दिन्छ।
यस स्मार्टफोनको समग्र डिजाइन र कार्यक्षमता उच्चतम स्तरको छ, जसले नेपाली बजारमा एक नयाँ स्मार्टफोनको अवधारणा प्रस्तुत गरेको छ। शाओमी १४ टि निश्चित रूपमा फोटोग्राफी, गेमिङ र स्मार्टफोनको समग्र अनुभवमा नयाँ मानक बनाउने कम्पनीको दाबी छ ।
प्रतिक्रिया दिनुहोस्