काठमाडौं । स्वास्थ्य तथा जनसंख्या मन्त्रालयले सबै आईभीएफ सेवा प्रदायक स्वास्थ्य संस्थालाई पाँचबुँदे निर्देशन दिएको छ ।
झुटो प्रचार तथा चर्को शुल्क असुली गरी सेवाग्राहीलाई ठगेको गुनासोपछि मन्त्रालयले आईभीएफ सेवा प्रदायक स्वास्थ्य संस्थालाई यस्तो निर्देशन दिएको जनाएको छ ।
मन्त्रालयले सेवा सम्बन्धमा झुटो प्रचार प्रसार नगर्न, सेवा शुल्कको विवरण संस्थाको वेभसाइटमा अनिवार्य राख्न, मापदण्ड पूरा गरेर मात्रै शाखा विस्तार गर्न निर्देशन दिएको छ ।
यस्तै असहाय, विपन्न बिरामीलाई १० प्रतिशत छुट अनिवार्य दिन र प्रदान गरिएका सेवाको विवरण चौमासिक रूपमा प्रदायक निकायमा बुझाउन मेडिकल ल्याव टेक्नोलोजिस्ट राज कुमार पाण्डेले जारी गरेको विज्ञप्तिमा भनिएको छ ।
प्रतिक्रिया दिनुहोस्