पत्र कला 
काठमाडाैं। साताको तेस्रो कारोबार दिन मंगलबार नेप्से परिसूचक दोहोरो अंकले बढेको छ । ११.९१ अंकले बढेर २ हजार ७३९.८२ विन्दुमा पुगेको छ । धितोपत्र र ऋणपत्रगरी कारोबारमा आएका ३१४ कम्पनीको १ करोड ८२ लाख कित्ता शेयर किनबेचहुँदा १० अर्ब ४३ करोड रुपैयाँको कारोबार भएको छ । सर्वाधिक कारोबार हुने कम्पनीमा हिमालयन रिन्स्योरेन्स, नेपाल रिइन्स्योरेन्स कम्पनी, पिपुल्स हाइड्रो पावर कम्पनी, एनआरएन इन्फाष्ट्रचर एण्ड डेभलपमेन्ट र सिइडीबी होल्डिङको २० करोड २२ लाख रुपैयाँदेखि ८२ करोड रुपैयाँसम्मको कारोबार भएको छ ।
चारवटा कम्पनीको शेयर मूल्यमा सर्किट
चारवटा कम्पनीको शेयर मूल्यमा सर्किट लागेको छ । योदिन वेन नेपाल लघुवित्त वित्तीय संस्था, गुराँश लघुवित्त वित्तीय संस्था, इर्मेजिङ नेपाल, गार्डेन माइक्रो लाइफ इन्स्योरेन्सको शेयर मूल्य १० प्रतिशतले बढेर सकारात्मक सर्किट लागेको छ । त्यस्तै लाइफ इन्स्योरेन्स कर्पोरेसन (नेपाल)को शेयर मूल्य ७.३४ प्रतिशतले बढेको छ ।
दोहोरो अंकले बढेको बजारमा सप्तकोशी डेभलपमेन्ट बैंकको शेयर मूल्यमा नकारात्मक सर्किट लागेको छ । भुगोल इनर्जी डेभलपमेन्ट कम्पनी, एक्सल डेभलपमेन्ट बैंक र बोल्टर नेपाल ( बालाजु)को शेयर मूल्य ५.८४ प्रतिशतदेखि ८.९५ प्रतिशतसम्मले घटेको छ।
कारोबारमा आएका १३ वटै समूहको सूचकमध्ये वाणिज्य बैंक समूह, लगानीगत समूह,लाइफ इन्स्योरेन्स, निर्जीवन बीमा कम्पनी,अन्य समू र टे«डिङ समूहको सूचक ०.४ हरियाली बनेका छन् भने ‘अन्य’ समूहको सूचक घटेका छन् ।
प्रतिक्रिया दिनुहोस्