आज पनि बढ्यो सुनको मूल्य, कति पुग्यो ?

 काठमाडाैं । बुधबार सुनचाँदी दुबैको मूल्य बढेको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार बुधबार सुन प्रतितोला ११ सय रुपैयाँले बढेको हो । मंगलबार प्रतितोला ७ सय रुपैयाँले बढेर १ लाख ६९ हजार ४ सय रुपैयाँ कायम भएको सुनको मूल्य बुधबार ११ सयले बढेर प्रतितोला १ लाख ७० हजार ५ सय रुपैयाँ पुगेको हो ।

यस्तै, बुधबार सुनसँगै चाँदीको समेत मूल्य बढेको छ । तथ्यांक अनुसार मंगलबारको तुलनामा बुधबार चाँदी प्रतितोला १५ रुपैयाँले बढेर १ हजार ९ सय ८५ रुपैयाँ कायम भएको हो ।

प्रतिक्रिया दिनुहोस्