विकासका मुद्दालाई प्राथमिकता दिन सरोकारवालाको जोड

काठमाडौं । तुलसीपुर उपमहानगरपालिकाका प्रमुख टीकाराम खड्काले सकारात्मक र समाजलाई बाटो देखाउने कार्य सञ्चारमाध्यमको भएको बताएका छन् ।

आज दाङले तुलसीपुरमा आयोजित ‘विकासमूलक पत्रकारितामा राससको भूमिका’ विषयक कार्यक्रममा उनले यस्तो बताएका हुन् । नगरप्रमुख खडकाले भने, “समाजलाई सही दिशामा लैजाने काम सञ्चार माध्यमले सकारात्मक भूमिका निर्वाह गरिरहेको हुन्छ।”
विकास निर्माणमा ढिलासुस्ती भएमा दबाब दिने कार्य पनि सञ्चा माध्यमकै भएको उनले धारणा राखे । दाङका प्रमुख जिल्ला अधिकारी कृष्णप्रसाद लम्सालले सामाजिक, आर्थिक, भौतिक, मानवीयलगायतका विकासका कार्यहरुमा पत्रकारको भूमिका महत्वपूर्ण रहेको बताए ।

रासस दाङका प्रमुख नारायणी रजौरेको अध्यक्षतामा भएको सो कार्यक्रममा पत्रकार महासङ्घ दाङका अध्यक्ष सन्तोष सुवेदी, आन्तरिक राजस्व कार्यालय तुलसीपुरका प्रमुख श्रीधर टन्डन, प्रेस चौतारी दाङका अध्यक्ष सुधासुमन ढकाल, प्रेस युनियनका केन्द्रीय सदस्य चेतन रेग्मी, नेपाली कांग्रेस तुलसीपुरका सभापति सुरेश हमाल सहभागी थिए ।

यसैगरी, नेकपा एमाले तुलसीपुरका अध्यक्ष रुपबहादुर खत्री, माओवादी केन्द्र तुलसीपुरका अध्यक्ष मोहन थापा, तुलसीपुर उद्योग वाणिज्य सङ्घका सदस्य विमल गौतमलगायतले सार्वजनिक सञ्चारमाध्यममा राजनीतिले प्रमुखता पाइरहेको अहिलेको अवस्थामा विकासका मुद्दालाई उच्च महत्व दिएर रिपोर्टिङ गर्न रासससहित समग्र पत्रकारिता जगतले ध्यान दिनुपर्नेमा उनिहरुको जोड छ ।

प्रतिक्रिया दिनुहोस्