युवा उद्यमी पाण्डेको सक्रियतामा आगलागीबाट जोगियो वडा कार्यालय

काठमाडौं । युवा उद्यमी तथा लोमस पेरेन्टल्स एन्ड फर्मुलेशन्सका कार्यकारी निर्देशक प्रणवजंग पाण्डेको सहयोगमा बालुवाटारमा भएको आगलागीबाट वडा कार्यालयको भवन जोगाउन नेपाल प्रहरी सफल भएको छ । बुधबार मध्यान्हमा विद्युतीय ट्रान्सफर्मरमा आगलागी भएको थियो । जतिबेला नेपाली र ट्राफिक प्रहरी कोही पनि नजिक थिएनन् । उनले सक्रियता देखाउँदै एक्लै सडकको सबै ट्राफिक रोके र तत्काल नेपाल प्रहरी क्षेत्रीय डिएसपी सुनिल जंग शाहलाई फोनगरी  घटनाबारे जानकारी दिए । लगतै प्रहरीले अग्नी नियन्त्रकाे सहायतामा करिब २ घन्टापछि नियन्त्रणमा आएको उनले बताए ।

उनले भने,‘ त्यतिबेला मैले सक्रियता नदेखाएको भए अझ ठुलो क्षति हुने थियो र वडा कार्यालयको भवनमा समेत ठुलो नाेक्सान हुने अबस्था थियो ।’ उनले सामाजिक सन्जालमा लेखेका छन्,‘ आज म बालुवाटार चोकमा एक्लै थिएँ। त्यहाँ कुनै प्रहरी वा सरकारी अधिकारी थिएनन्। त्यही बेला ट्रान्सफर्मरमा आगलागी भयो, जुन निकै ठूलो थियो र नियन्त्रण गर्न २ घण्टा लाग्यो। मैले नेपाल प्रहरी क्षेत्रीय डिएसपी सुनिल जंग शाहलाई फोन गरें। एपीएफ काठमाडौंका एसपी सैलेश सर र दमकल टोली पनि समन्वय गरेर छिट्टै आइपुगे।
मैले एक्लै सडकको सबै ट्राफिक रोके। डिएसपी सुनिल जंग शाह आफैं फिल्डमा उपस्थित थिए। ’

प्रतिक्रिया दिनुहोस्