सिन्धुपाल्चोक । सुनकोशी गाउँपालिका ६ थुम्पाखरका युवाहरु एमाले छोडेर काङ्ग्रेसमा प्रवेश गरेका छन्।
शनिबार काठमाडौंको तीनकुनेमा एक कार्यक्रमका बीच युवाहरु काङ्ग्रेस पार्टी प्रवेश गरेका हुन्। नेकपा एमालेमा झन्डै ३ दशक लामो समय राजनीतिमा सक्रिय प्रकाश बस्नेतलगायतका युवाहरु काङ्ग्रेस प्रवेश गरेको काङ्ग्रेस नेता सुवास तिमल्सिनाले बताए । काङ्ग्रेस पार्टी प्रवेश गरेका प्रकाश बस्नेतले एमालेले जनतामा भ्रम छर्दै जनतालाई झुक्याएर राजनीति गरेको बताए । बस्नेतले भने, ‘मैले झन्डै तीन दशक एमालेमा रहेर काम गरेँ । त्यतिबेलादेखि म सक्रिय थिएँ । तर अहिले आएर एमालेले जनभावनाअनुसार काम गर्न नसकेको र झूठको खेती गरेकाले काङ्ग्रेसमा प्रवेश गरेको हुँ ।
नेपाली काङ्ग्रेस पार्टी प्रवेश गरेका युवाहरुलाई सम्बोधन गर्दै काङ्ग्रेस सांसद मोहनबहादुर बस्नेतले एमाले र माओवादीले सिन्धुपाल्चोकमा विकासका कामभन्दा बढी जनतालाई झुक्याउने काम गरेको दाबी गरे । काङ्ग्रेसको मतको आडमा निर्वाचन जितेर आएको माओवादीका नेताले अबका दिनमा जिल्ला फर्किन नसक्ने भन्दै माओवादीले प्रदेश र संघको निर्वाचनमा कुनै सिट जित्न नसक्ने नेता बस्नेतले दाबी गरे । काङ्ग्रेसको आडमा निर्वाचन जितेको माओवादी र एमालेले काङ्ग्रेसले गरेको विकास निर्माणको कामलाई विरोध गर्नुको कुनै औचित्य नभएको काङ्ग्रेस नेता बस्नेतको भनाइ छ ।
यसैबीच, युवाहरुलाई पार्टी प्रवेश कार्यक्रमको समन्वयको भूमिका काङ्ग्रेस नेता सुवास तिमल्सिनाले गरेका थिए ।
प्रतिक्रिया दिनुहोस्