पौडेलले पाए एक लाख नगद

बाँसुरी खबर संवाददाता
सिन्धुपाल्चोक– बलेफी गाउँपालिकाले विद्यावारिधि गर्ने अशोक पौडेललाई एक लाख नगद पुरस्कार सहयोग गरेको छ ।
सोमबार पालिकाले आफ्नो नीति तथा कार्यक्रममा समावेश गरेको योजनाअनुसार पौडेललाई एक लाख नगद दिएको हो । पालिकाले सोमबार एक कार्यक्रम आयोजना गरी पौडेललाई सो रकम सहयोग गरेको पालिका अध्यक्ष गंगाबहादुर तामाङले जानकारी दिए। उनले भने, ‘हामीले पालिका सभामा बनाएको नीति तथा कार्यक्रमअनुरुप पौडेललाई सहयोग गरेको हो । यसअघि पनि एक जनालाई दिएका थियौँ । यसपटक विद्यावारिधि गरेका पौडेललाई सहयोग प्रदान गरेका हौ।’
यसैबीच, अहिले एमफिल गरेका दुई जनाले छात्रवृत्तिका लागि पालिकामा निवेदन दिएका छन् । उनीहरुलाई पालिकाको नीति तथा कार्यक्रममा समावेश भएअनुसार सहयोग उपलब्ध गराउने अध्यक्ष तामाङले बताए । सहयोगका यस्ता कार्यक्रमले उनीहरुलाई हौसला मिल्ने गाउँपालिकाको विश्वास छ । पौडेलले थाइल्यान्डको Suranaree university of technology बाट विद्यावारिधि गरेका हुन् । पालिकाभित्रका नागरिकले स्वदेश तथा विदेशबाट विद्यावारिधि गरेकाहरुको नाम संकलन गरेर उनीहरुलाई पनि सहयोग गर्ने जानकारी दिएको छ ।

 

प्रतिक्रिया दिनुहोस्