काठमाडौं । थापाथली चोक नजिक मेलम्ची खानेपानीको पाइप फुटेको छ ।
बिहानै पाइप फुटेपछि उक्त क्षेत्रमा बाढी आएको छ । सडकसमेत अवरुद्ध भएको छ । सडक अवरुद्ध हुँदा आवतजावतमा समस्या भएको छ ।
थापाथलीमा के कारणले पाइप लाइन फुटेको हो भन्ने यकिन हुन सकेको छैन । थापाथली चोकबाट नर्भिक इन्टरनेशनल जाने सडकमा पाइपको लाइन फुटेको हो ।
यसअघि पनि बबरमहल क्षेत्रमा खानेपानीको मुख्य पाइप लाइन फुट्दा बाढी आएको थियो । त्यस क्षेत्रका सरकारी कार्यालयहरू डुबानमा परेका थिए । बबर महलमा विद्युत प्राधिकरणको काम गर्ने बेला पाइप फुटेको थियो ।
प्रतिक्रिया दिनुहोस्