काठमाडौं । सरकारले नेपाल विद्युत प्राधिकरणका कार्यकारी निर्देशक कुलमान घिसिङलाई तीन दिने स्पष्टीकरण सोधेको छ ।
बुधबार बसेको मन्त्रिपरिषद् बैठकले घिसिङलाई प्राधिकरणको कार्यकारी निर्देशकबाट किन नहटाउने भन्दै स्पष्टीकरण सोधेको हो ।
मन्त्रिपरिषद् बैठकले गरेको निर्णयअनुसार स्पष्टीकरण सोध्नका लागि उर्जा, जलस्रोत तथा सिंचाइ मन्त्रालयलाई जिम्मेवारी दिएको हो । ऊर्जामन्त्री दीपक खड्काले यसअघि नै २ बुँदे स्पष्टीकरण सोधिसकेका छन् । घिसिङले आफूलाई ऊर्जामन्त्रीले स्पष्टीकरण सोध्ने अधिकार नभएको वक्तव्य दिइसकेका छन् ।
यसअघि नै मन्त्रालयले घिसिङको कार्यसम्पादन चित्त नबुझेको भनेर उनलाई शून्य अंक दिएको थियो ।
प्रतिक्रिया दिनुहोस्