
सिन्धुपाल्चोक- नेकपा एमाले चौतारा साँगाचोकगढी नगरपालिका– ११ को वडा कमिटी माओवादी केन्द्रमा प्रवेश गरेका छन् ।
नेकपा एमाले चौतारा सागाचोकगढी नगरपालिका–११ का पार्टी कमिटीका दर्जनौं कार्यकर्ता माओवादी केन्द्रमा प्रवेश गरेका हुन् ।
माओवादी केन्द्रले चौतरा साँगाचोकगढीमा आफ्नो राजनीति गतिविधि बढाएसँगै एमाले छाडेर उनीहरु आप्mनो पार्टीमा प्रवेश गरेको माओवादी केन्द्रले जनाएको छ।
नेकपा माओवादी केन्द्र चौतारा साँगाचोकगढी नगरपालिका वडा नम्बर–११ मा आयोजना गरिएको शहीद प्रतिष्ठान शहीद पार्क फलाँटेमा शहीद सप्ताह कार्यक्रममा एमाले छाडेर माओवादी केन्द्रमा प्रवेश गरेको माओवादी केन्द्र चौताराले जनाएको छ।
शहीदको प्रतिमामा माल्यार्पण, शहीद परिवार सम्मान तथा पार्टी प्रवेश कार्यक्रमका अवसरमा उनीहरु पार्टी प्रवेश गरेको माओवादी केन्द्र चौताराले जनाएको हो ।
एमाले पार्टी छोडेर माओवादी प्रवेश गर्ने एमालेको वडा कमिटी अध्यक्ष तीर्थराज गिरी, सचिव गोविन्दप्रसाद पराजुली, सदस्य रामहरि गिरी, श्यामजी गिरी, बङ्गाली माझी, रञ्जित गिरी,विमला गिरी,पार्वती पुरी,अमित गिरी,अपी गिरी,अमृता गिरी हुन् । त्यस्तै एमालेका बौद्धिक क्रियाशिल नेता भरतराज गिरी, अनेमसंघ वडा कमिटी सदस्य सृजना भारती, संगठित सदस्य अमृता गिरी, देवी गिरी, हिराराज गिरी, पवित्रा गिरी, सन्दीप गिरी, हर्कराज गिरी, ईश्वरी गिरी, सुशीला गिरी, बलराम गिरी, परिच्छिद गिरी, नवराज गिरी र पशुपति गिरी रहेका छन् ।
त्यस्तै काङ्ग्रेसका सुनकेस्रा गिरी, सानीमैयाँ गिरी, हेमराज गिरी, गम्भीर गिरीसमेत माओवादी प्रवेश गरेका छन् ।
प्रतिक्रिया दिनुहोस्