सिन्धुपाल्चोक । इन्द्रावती गाउँपालिका–३ स्थित सिहमती माविका विद्यार्थीहरुलाई स्टेसनरी सामग्री सहयोग गरिएको छ ।
काङ्ग्रेस नेता एवं महाधिवेशन प्रतिनिधि उद्धव बानियाँले सिहमती माविका १ सय ३८ विद्यार्थीलाई स्टेसनरी सामग्री सहयोग गरेको विद्यालयले जनाएको छ।
काङ्ग्रेस नेता उद्धव बानियाँ र सुवास तिरुवाले सो विद्यालयका विद्यार्थीका लागि २६ सय ५० थान कापी, ९ सय थान कलम, ६ सय ५० थान सिसाकलम, खेलकुद सामग्रीलगायत सहयोग गरेको विद्यालयले जनाएको छ।
बिहीबार विद्यालयमा सहयोग लिएर पुगेका नेता बानियाँले विद्यार्थी र विद्यालयलार्इ सहयोग गर्न पाउँदा खुसी लागेको बताए । उनले भने, ‘यस्ता सहयोग आउँदा दिनहरूमा पनि गर्दै जानेछु ।’
विद्यालयमा एक कार्यक्रम आयोजना गरी सहयोग हस्तान्तरण गरिएको थियोे । सहयोग पाएपछि विद्यार्थीहरु खुसी भएका थिए । सिहमती विद्यालयले सहयोग गर्ने दातालाई धन्यवाद दिएको छ।
विद्यालयले आउँदा दिनमा पनि यस्ता सहयोगको अपेक्षा गरेको र यो सहयोगले विद्यार्थीमा हौसला मिलेको जनाएको छ।
प्रतिक्रिया दिनुहोस्